#OromoRevolution

QeerrooOromoo

Qeerroo oromoo kan Oromiyaa

Kan jiraattus biyya alaa

Harmeen siyaamti howwaadhume jalaa

Walitti qabamii bakka jirtumara irraa

Walittigurmaa`I Ulaa hundarraa

Dhaamsa siif qaba mi`oftu akka dammaa

Maaf didda howwaachu harmee jalaa

Yaadaan wal-dhabdanii, maalumaaf faffachatu

Balbalaan wal-qooddani maaliif harcaatu

Ganddummaan Wal-gurmeessitanii, kankolfaa maa nagootu

Dalagaa badii, bittinnaa`uuf ulaa mijatu

Dalagaa badii, bittinnaa`uf ulaa mijatu.

Nuun jetti harmeen haati keenya Oromiyaa

Isin Ilmaan  haadhaa fi abbaan takkaa

Wal-qabadhaa yaa`aa akka kanniisaa

Haagubattu  Diinni alagaan

Silaa hinfedhanu ,ni gubatu yoo taatan  takka

Wal- jabeessaa bakka hunda irraa

Waliin wal-hutubaa akka gaaddisaa.

Ani isin qaba, darggaggoo ciccimaa

Nuun jetti harmeen Oromiyaan

kan baratee balaliisu, samii irra akka xiyyaaraa

kan hojjetee hinquufne ,halkanii fi guyyaa

kan lolee hin galle,moo`u malee akka leencaa

hirribni kan  hin qabne, dhaga`yaa iyya harmee isaa

kan hunda dursee yaadatu saba oromoo  isaa.

 bakka deeme chufatti kan lallabu aadaaf seenaa isaa.

mee naaf himaa darggaggotni ammaa

eessa jirra nuti Maal gochaa jirraa

gara fulduraatti maal gochuu qabna?.

Maaliif callifne wal-ilaalla akka gowwaa

ituu dandeenyu hojjechuu hunda caalaa

hin dhageenyee nuti jecha oromtichaa

Yoo waliif galan alaa galu jechaa

Yoo waliif galan alaa galu jechaa.

ka`aa waliin hakaanu harka walqabannee

gufuu nudura deemu ufjalaa kuffifnee

ni dandeeyna bilisoomuu yoo waliif gallee

niqabna human chimaa kan addaan hin citnne

ofiifisgammadneeoromoo chufa boonsinee.

Sammuun keenya hayaadu fulduratti

Haxiinxxallu baa`ifnee akka hammayyaatti

Tarkaanfiin keenya hata`u akka baranaatti

mee ofirraa  hadhiifnu bashannanuu seenaa qofatti

Seenaa qofa lallabuun  nudadhabse hanga ammaatti.

nuti darggaggoonni  oromoo hakaanu hatattamatti.

Haa-mullisnu eenyummaa keeyna addunyaatti.

Alaabaaa keenya haabalaliifnu, ija diinaa duratti

haa-fayyadamnu darggaggummaa kanatti

haa-fayyadamnu darggaggummaa kanatti.

Yaa  biyya  abbaakoo oromiyaa bareedduu

Yaa biyya haadhakoo Oromiyaa bareedduu

Nama siif dhimmu dhabdee kan akkanatti rakkattu

Nan qaaneffadhe yaamuu maquma kee qofaatu

Dalagaa tokko malee akkanumatti siin boonuu.

Oromiyaan midhagduu dachee laliftuu

damma hin jettu aannan kan uf keessaa qabdu

Mee maal dhabde Oromiyaan naaf himaa isin hundu

Isee dhumaan guddannee asiin baane nu martuu

Yaa Oromiyaa biyyakoo bareedduu

Waadaa siif gala hanga dhumaattu

Hirribni nan fudhatu hanga yoomiittu

Sibilisoomsu malee hanga dhumaattu

Sibilisoomsu malee hanga dhumaattu